அல்ஹம்துலில்லாஹ். அல்லாஹ்வின் மகத்தான கிருபையால் ஏர்வாடியின் நீர் வளத்தை பாதுகாக்க கீழ்கண்ட திட்டங்களை செயல்படுத்த திட்டமிட்டுள்ளோம்.

1. தெருக்களில் மழை நீர் சேகரிப்பு தளங்கள் அமைப்பது.
2. ஆற்றில் கலக்கும் கழிவு நீரை தடுப்பது மற்றும் சுத்திகரிப்பது.
3. ஆற்றில் தடுப்பணைகள் அமைத்து நீலத்தடி நீரை அதிகரிப்பது.
4. வீடுகளில் மழை நீர் சேகரிப்பு தொட்டிகள் அமைப்பது.
5. வீடுகளில் கழிவு நீரை உறிஞ்சும் தொட்டிகளை அமைப்பது.

இதன் ஆரம்பமாக தற்பொழுது, முஹைதீன் பள்ளித் தெருவில் மழை நீர் சேகரிப்பு தொட்டிகள் அமைத்து கொண்டிருக்கிறோம் அல்ஹம்துலில்லாஹ். இந்த முறை வெற்றி பெற்றால் அடுத்தடுத்த தெருக்களிலும் இதே முறையில் அமைக்கப்படும் இன்ஷா அல்லாஹ்.

அடுத்த கட்டமாக இரண்டாவது தெரு மற்றும் மதினா நகரில் ஆற்றில் கலக்கும் சாக்கடைகளை தடுத்து சோக் பிட் முறையில் தூய்மைப் படுத்தப்படும்.

இரண்டாவது தெரு பாலத்தின் அருகில் எளிதான முறையில் தண்ணீர் தேங்க குளித்துறை அமைக்க நினைக்கிறோம். இதில் உங்களுடைய யோசனைகள் வரவேற்கப்படுகிறது. இதை பற்றி மேலும் விபரங்கள் அறிய சகோதரர் முஹைதீனை (9566773469) தொடர்பு கொள்ளவும்.
அடுத்ததாக இந்த குழுமத்தில் உள்ள நாம் எல்லோரும் நமது வீடுகளில் கழிவு நீர் சுத்திகரிப்பு மற்றும் மழை நீர் சேகரிப்பு தொட்டிகள் அமைக்க வேண்டும். இதனை உடனடியாக நாம் எல்லோரும் செய்தால் ஒரு நல்ல உதாரணத்தை மக்களுக்கு காட்ட முடியும்.. உங்கள் வீடுகளில் மழைநீர் சேகரிப்பு மற்றும் கழிவு நீர் வடிகட்டும் தொட்டிகள் அமைக்க உங்களுக்கு தகவல்கள் தேவைப்படின் எங்களை அணுகவும்.

மேற் கூறியவைகளை திட்டமிட்ட படி முடித்தால் நாம் நமது திட்டத்தின் முதல் மைல் கல்லை அடைந்ததாக அமையும். பின்னர் நாம் நமது இரண்டாவது மைல் கல்லை நோக்கி நகரலாம்.

மேற் கூறியவைகளை செய்துமுடிக்க உங்கள் அணைவரின் பங்களிப்பும் அவசியமாக இருப்பதால். அணைவரும் ஒன்றாக இணைந்து இந்த திட்டத்தை செயல் படுத்த உறுதுணையாக இருக்கும் படி கேட்டுகொள்கிறோம்.

நமது குழுவின் ஒருங்கிணைப்பாளர்கள் முஹைதீன், தங்கவேல் சார் மற்றும் ஜனாப் சலாகுத்தீன் ஆகியோர்களுடன் தொடர்பில் இருங்கள். உங்கள் ஆலோசனைகளையும் பங்களிப்பையும் அதிகமாக இந்த பணிக்காக வழங்கிடுங்கள். அல்லாஹ் நம்முடைய இந்த முயற்சியை பெரும் வெற்றியாக்கி நமது மறுமை வாழ்கையை சிறப்பாக்கி வைப்பானாக.

நமது அடுத்த தலைமுறைக்கும் பயன்படும் வகையில் நாம் செய்யும் இந்த ஸதகதுல் ஜாரியாவில் நாம் அனைவரும் இணைந்து செயல்பட உங்களை அன்போடு அழைக்கிறோம்.

இப்படிக்கு
நீர் மேலாண்மைக் குழு
ஈமான் அறக்கட்டளை
9 டிசம்பர் 2017

வெளிநாடு சகோதரர்கள் இந்த திட்டங்களில் பங்கெடுக்க , ஆலோசனைகள் தெரிவித்திட சகோதரர் ஹனீப் முஹம்மத் அவர்களை தொடர்புக் கொள்ளவும். வாட்சப் : +971563434819